Wicca á Íslandi

Áhugaverð spurning og svar á vísindavefnum.

http://visindavefur.is/svar.php?id=6396

Spurning
Hversu margir kristnir hátíðisdagar eru byggðir á gömlum heiðnum hátíðisdögum?
Spyrjandi
Helga Björg Arnarsdóttir
Svar
Spyrjandi bætir við:

Hvers vegna ber þá upp á svipaðan eða sama tíma?

Segja má að næstum allir alþjóðlegir kristnir hátíðisdagar eigi sér einhverjar rætur í eldri veraldlegum hátíðum, og hófst þess þróun þegar í gyðingdómi. Til er hirðisbréf sem Gregoíus páfi fyrsti (eða mikli) sendi um árið 600 til Ágústínusar erkibiskups í Kantaraborg. Kjarni þess er að heilög kirkja skuli umbera gamla siði alþýðunnar eftir föngum og reyna að gæða þá kristilegum anda. Þetta varð hvarvetna stefna kirkjunnar þótt misvel gengi að framfylgja henni.

Páskar og hvítasunna eru dæmi um hátíðir sem eiga sér enn eldri rætur en páfabréfið. Hvítasunnan var upphaflega haldin til að fagna hveitiuppskeru. Á þeirri hátíð urðu lærisveinarnir fyrir sendingu heilags anda.

Upprunalega voru páskar aftur á móti hátíð hjá hirðingjaþjóðinni Hebreum þar sem fæðingu fyrstu lambanna var fagnað. Þaðan er runninn sá siður að snæða páskalambið. Eftir að Gyðingar urðu akuryrkjuþjóð var einnig farið að nefna páskana hátíð ósýrðu brauðanna. Enn seinna voru þeir haldnir í minningu flótta Gyðinga frá Egyptalandi og loks urðu þeir upprisuhátíð Jesú Krists.


Upphaflega var fæðingu fyrstu lambanna fagnað á páskum.

Þekktasta dæmið er vitaskuld jólin. Skammdegishátíð var víða til löngu fyrir Krists burð, meðal annars í Rómaveldi. Hvergi er hins vegar minnst á nákvæman fæðingardag Jesú í Biblíunni, ekki einu sinni árstíðina. Eftir að kristni var gerð að ríkistrú í Rómaveldi á 4. öld var smám saman farið að halda upp á fæðingu Jesú Krists á gömlum sólhvarfadegi, 25. desember. Þannig fór einnig um hin fornu norrænu jól sem sennilega hafa verið haldin við fyrsta fulla tungl eftir vetrarsólhvörf.

Af öðrum alþjóðlegum stórhátíðum má nefna sem dæmi að boðunardagur Maríu 25. mars er dagsettur í nánd við vorjafndægur. Krossmessa á vor 3. maí er sömuleiðis í nánd við gamla sumarkomuhátíð og Jónsmessa 24. júní, fæðingarhátíð Jóhannesar skírara, er í nánd við sumarsólstöður. Krossmessa á haust 14. september er nærri haustjafndægrum en bæði hún og Mikjálsmessa 29. september voru á svipuðum tíma og gamlar uppskeruhátíðir í Evrópu. Loks var allraheilagramessa 1. nóvember í nánd við vetrarkomu.

Síðastnefnda tengingin er mjög augljós á Íslandi. Í öndverðu fögnuðu menn vetri skömmu eftir sláturtíð og gæddu sér ótæpilega á því nýmeti sem þá féll til en sjaldnast var mikið um á veturna. Eftir að kirkjunni óx fiskur um hrygg færðist veislan yfir á allraheilagramessu sem af þeim sökum fékk auknefnið sviðamessa.

http://visindavefur.is/svar.php?id=6396

Allraheilagamessa á 1 nóvember? Er ekki Samhain svona "allraheilagamessa" Wicca?

Allaheilagramessa (all hallows mass), day of the dead og halloween eru allar hátíðir sem raðast á þennan tíma og tengjast heiðni blandaðri kaþólisma í ýmsum löndum.

Ég held að Halloween sé alltaf á 31. oktober. Það hefur allavega verið síðustu tvö árin sem ég hef búið í bandaríkjunum. Þetta er stór hátíð hjá Wiccum hérna. Flestar sem ég þekki hérna segja að þetta sé þeirra stærsta hátíð.

Ég held að Halloween sé alltaf á 31. oktober. Það hefur allavega verið síðustu tvö árin sem ég hef búið í bandaríkjunum. Þetta er stór hátíð hjá Wiccum hérna. Flestar sem ég þekki hérna segja að þetta sé þeirra stærsta hátíð.

Halloween, eða Samhain, er haldið á kvöldi 31. októbers og fellur því eiginlega á báða dagana. Já, þetta er talinn mikilvægasti Sabbatinn, aðallega vegna þess að árið byrjar 1. nóvember í Wicca, og þess vegna er 31. okt eiginlega gamlárskvöld.