Samkvæmt austrænni speki eru sjö aðal-orkustöðvar í líkamanum sem halda líkamanum (lífsorkunni, chi) í jafnvægi, bæði líkamlega og andlega. Ef stöðvarnar eru ekki í jafnvægi eða þá ein sérstök í ólagi geta myndast hverskonar andlegir og líkamlegir kvillar.
Megin áherslan í orkustöðvaheilun er það að andleg og líkamleg heilsa fylgist að, og er því notað bæði andlegar aðferðir eins og t.d. hugleiðsla, litaheilun, slökun, ofl notað jafnframt kristallaheilun, nuddi, annarskonar heilun, og ofan á allt þetta á einstaklingurinn að borða rétt fyrir orkustöðvarnar sínar, hreyfa sig og fá næga hvíld.
Hér að neðan munu koma upplýsingar um hverja orkustöð fyrir sig, og þær verða númeraðar eftir röðinni á myndinni, þannig þið getið sér hvar þær eru staðsettar.
1: Muladhara (mænustöð, oft kölluð rótarstöð)
Staðsetning: Rófubein
Frumefni: Jörð
Litur: Rauður
Jákvæður matur fyrir þessa stöð: Gulrætur, kartöflur, rófur, laukur, hvítlaukur, egg, kjöt, baunir, pipar. Próteinríkur matur og kryddaður matur.
Steinar: Blóðsteinn, Granat, Hauksauga, Ónyx, Hrafntinna, Ródokrosít, Hematít, Reykkvars
Þegar þessi orkustöð er í jafnvægi þá höfum við líkamlega vellíðan, gleði og yfirvegun. Við erum jarðbundin og lítum vel út, erum heilbrigð í alla staði og líður vel.
Þegar þessi orkustöð er í ójafnvægi þá lýsir það sér á margvíslegan hátt, en algengustu einkenni eru: orkuleysi, líkamlegt óþægindi þó svo að veikindi séu ekki endilega til staðar, kvef, mikil þreyta. Andleg einkenni eru kvíði, skapsveiflur, óþolinmæði, reiðisköst, áhugaleysi og kæruleysi gagnvart lífinu, skortur á einbeitingu og vilja.
2: Swadhisththana (spjaldhryggsstöð, kölluð hvatastöð)
Staðsetning: Spjaldhryggur
Frumefni: Vatn
Litur: Appelsínugulur
Jákvæður matur fyrir þessa stöð: Melónur, mangó, jarðarber, appelsínur, kókoshnetur, hunang, hnetur, vanilla, sesamfræ, kanill. Sætir ávextir og sætindi.
Steinar: Citrín, Raf, Karneól (Carnelian), gult og rautt Tígrisauga
Þegar þessi orkustöð er í jafnvægi fáum við stjórn yfir efnislegum löngunum og höfum meiri sjálfsaga. Okkur líður vel í bakinu og eigum auðvelt með að hreyfa okkur, og gerum mikið af því (t.d. labba, dansa, synda) og orkuflæði okkar er gott.
Þegar þessi orkustöð er í ójafnvægi lýsir það sér í einbeitingarskorti, meltingartruflunum, verkjum í mjóbaki, vandamálum með blöðru, nýru eða eggjastokka. Andlega getur þetta lýst sér í félagsfælinni hegðun, tilfinningum um að maður sé ekki nógu góður, að alltaf vilja kaupa meira og eignast meira, lítillegri reiði og eftirsjá.
3: Manipura (sólarplexusarstöð)
Staðsetning: Neðarlega á brjóstkassanum, rétt fyrir ofan nafla, sólarplexusinn.
Frumefni: Eldur
Litur: Gulur
Jákvæður matur fyrir þessa stöð: Pasta, brauðmeti, korn, mjólkurvörur, jógúrt, ostur. Kolvetnisríkur matur og mjólk.
Steinar: gult Tígrisauga, gulur Jaspis, Raf
Þegar þessi orkustöð er í jafnvægi höfum við góða heilsu og líkamlega fegurð, okkur líður vel bæði líkamlega og andlega. Mikil orka er í þessari stöð og gerir hún okkur kleift að breyta ,,hrárri” orku í eitthvað sem við getum notað, semsagt í jafnvægi gefur þessi stöð okkur mikla orku og gott orkuflæði. Þessi stöð hefur áhrif á marga hluta líkamans og einnig ónæmiskerfið, þannig að hún gerir okkur hæf til að verjast veikendum og láta okkur batna.
Þegar þessi örkustöð er í ójafnvægi sést það einna helst í svefnleysi, kvíða, meltingartruflunum, höfuðverkjum, vöðvabólgum, kvefi og langvarandi vanlíðan. Einnig hefur þessi stöð verið tengd við alvarlega sjúkdóma, t.d. anorexíu og sykursýki.
4: Anahata (hjartastöð)
Staðsetning: Hjartasvæði – miðjan í orkustöðvunum með þrjár stöðvar fyrir neðan sig og þrjár fyrir ofan sig.
Frumefni: Loft
Litur: Grænn
Jákvæður matur fyrir þessa stöð: Spínat, kál, broccoli, sellerí, grænt te, kryddjurtir. Grænt grænmeti og jurtate, og grænar (en ekki of sterkar) kryddjurtir.
Steinar: Rósakvars, Granat, Karneól (Carnelian), bleikt Túrmalín, Ródókrósít, Malakít, Akvamarín
Þegar þessi orkustöð er í jafnvægi erum við róleg, umburðarlynd, vinaleg, ákveðin (látum ekki vaða yfir okkur), skilningsrík og tilfinninganæm.
Þegar þessi orkustöð er í ójafnvægi getur það sýnt sig í hjarta- og lungnakvillum, kvefi, háum blóðþrýstingi og astma. Andlega getur það sýnt sig í stjórnleysi, innilokunarkennd, að líða eins og maður sé fastur í lífinu og daglegu rútínunni, þörfum ófullnægt, að vilja vera við stjórn, skortur á sjálfsáliti, andleg einangrun.
5: Visuddha (hálsstöð)
Staðsetning: Háls
Frumefni: Loft
Litur: Ljósblár
Jákvæður matur fyrir þessa stöð: Vatn, ávaxtasafi, jurtate, sítrónur, súraldin, greipaldin, kiwí, epli, perur, plómur, ferskjur, apríkósur, salt. Allir ávaxtasafar og súrir ávextir.
Steinar: Akvamarín, blátt og grænt Flúorít, Lapis Lazuli, blátt Tópas, blátt og grænt Túrmalín, Sódalít
Þegar þessi orkustöð er í jafnvægi erum við heilbrigð í hálsinum og laus við bólgur eða sýkingar á því svæði, við eigum auðvelt með að tjá okkur og okkur líður vel í vöðvunum á þessu svæði, t.d. öxlunum.
Þegar þessi stöð er í ójafnvægi sýnir það sig í vöðvabólgu, í kringum háls og axlir, eyrna- og hlustunarverkjum, hálsbólgu, hálssýkingu, vandamálum með hálskirtla. Andleg einlenni geta verið skortur á sköpunargáfu og tjáningarleysi, einstaklingurinn á erfitt með að tjá tilfinningar sínar og er að halda aftur af sér.
6: Ajna (ennisstöð eða þriðja augað)
Staðsetning: Á milli augnanna á enninu
Frumefni: Ekkert, öll
Litur: Fjólublár
Jákvæður matur fyrir þessa stöð: Bláber, rauð vínber, rauðvín, rauður greipaldinsdjús. Rauðlitaðir og sætir ávextir.
Steinar: Amethyst, fjólublátt Flúorít, fjólublátt Jasper, Kvarskristall
Þegar þessi orkustöð er í jafnvægi líður okkur vel í augum og höfði, fáum ekki tíða höfuðverki af ástæðulausu og erum með gott minni. Við erum skipulögð og getum séð heildarmyndina. Við erum skynsöm og höfum stjórn á tilfinningum okkar.
Þegar þessi orkustöð er í ójafnvægi er algengt að kvillar á borð við höfuðverki eða mígreni séu til staðar. Einnig eru vandamál með sjónina tákn um að Ajna sé í ójafnvægi. Einnig getum við orðið óskipulögð og átt erfitt með að einbeita okkur að einum hlut í einu. Hugsanir okkar verða kaótískar, við eigum erfitt með að taka rökréttar ákvarðanir, við fáum oft martraðir og höfum ekki stjórn á tilfinningum okkar.
7: Sahasrara (hvirfilsstöð eða höfuðsstöð)
Staðsetning: Efst á hvirfli, ofan á höfði
Frumefni: Ekkert, öll
Litur: Hvítur
Jákvæður matur fyrir þessa stöð: Þessi stöð er tengd við það hugtak að fasta. Að borða engan mat í ákveðinn tíma til að hreinsa sig, andlega og líkamlega.
Steinar: Kvarskristall, Selenít
Þegar þessi orkustöð er í jafnvægi erum við með góðan skilning á hlutunum og getum séð þá í stærra samhengi. Við eigum létt með að setja okkur í spor annarra og getum treyst tilfinningum okkar. Okkur líður vel andlega og erum með góða sköpunargáfu, samkennd, gott sjálfsálit, gott sjálfstraust og við erum yfirveguð með góða stjórn á tilfinningum okkar. Við erum ánægð og hamingjusöm.
Þegar þessi orkustöð er í ójafnvægi sýnir það sig í einangrun, þunglyndi og síþreytu. Þegar þessi stöð er ekki í jafnvægi getur það haft mikil áhrif á allan líkamann og einstaklingnum líður eins og það sé eitthvað að, þó svo að ekki sé endilega hægt að benda á það. Veikindi og slappleiki fylgja, mikil þreyta og orkuleysi, höfuðverkir, kvef og aðrir kvillar sem fylgja því að hinar stöðvarnar séu ekki í lagi.
flott jobb hjá þér:P
